Bulandet
Visit Askvoll: Bulandet og Værlandet – Norges Venezia!
Lengst vest i Askvoll kommune dannar Bulandet og Værlandet eit øylandskap du kan kome til med bil eller sykkel på ferje, eller med eigen båt.
Bulandet og Værlandet er det vestlegaste busette samfunnet i Noreg.
Værlandet har eit særmerkt landskap med dei spesielle klettane, kombinert med myrar og vatn.
Havklippa Alden 481 m.o.h. ligg like ved.
Bulandet har meir enn 365 øyar og vert kalle «Nordens Venezia», og er mellom anna eit padleparadis. Til saman bur her ca. 460 menneske.
Fiske og fiskeforedling, lakseoppdrett, steinbrot og foredling av stein, garnmontering og turisme er viktige næringsvegar. Bulandet og Værlandet tilbyr eit bredt spekter av innkvartering i hytter og sjøhus som du vil finne blant anna i tilbodet til Bulandsferie,
Gjørøybua og Liv og Lyst. Værlandet Havhotell er eit moderne nybygg med fantastisk beliggenheit og utsikt. Vêret skiftar ofte, og gir deg mange moglegheiter på kort tid: fisketurar, sykkelturar, fjellturar, padleturar, vandring i flatt landskap eller til utkikkspunkt. God mat på bryggjekanten og solnedgangar som varmar deg langt inn i sjela.
Du har vala – Bulandet og Værlandet gir deg moglegheitene. I ditt eige tempo.
Sjå deg ikkje attende – ta ferie!
# Visit Askvoll, Bulandet .. >>
19.03.2022/RuneH
Foto & copyright alle bilder: Rune Haugseng
